दहावीचा निकाल जाहीर: ‘कोकण’च इथेही अव्वल !

Author: Share:

राज्य माध्यमिक शिक्षण मंडळाच्या दहावी परीक्षेचा निकाल जाहीर झाला . यंदाच्या निकालातही मुलींनीच बाजी मारली .  91.46 टक्के विद्यार्थिनी उत्तीर्ण झाल्या असून विद्यार्थ्यांच्या उत्तीर्ण होण्याची टक्केवारी 86.51 आहे.

राज्याचा एकूण निकाल 88.74 टक्के लागला .  यावर्षी दहावीच्या परीक्षेला १६,४४,०१६ विद्यार्थी बसले होते. त्यापैकी १४,५८,८५५ विद्यार्थी उत्तीर्ण झाले आहेत. यंदाच्या निकालात 0.82 टक्क्यांनी घट झाली आहे. 48 हजार 470 विद्यार्थ्यांना 90 टक्क्यांपेक्षा जास्त गुण मिळाले आहेत.

बारावीप्रमाणे दहावी परीक्षेतही कोकणच अव्वल ठरला आहे. कोकणचा निकाल 96.18 टक्के लागला आहे. सर्वात कमी निकाल नागपूर विभागाचा लागला आहे.

सकाळी 11 वाजता दहावीचा निकाल जाहीर झाला तर दुपारी 1 पासून विद्यार्थ्यांना ऑनलाईन निकाल पाहता येतो आहे. विद्यार्थ्यांना गुणपत्रिका 24 जून रोजी दुपारी 3 वाजता शाळेत मिळेल, असं बोर्डाचे अध्यक्ष गंगाधर म्हामणे यांनी सांगितले आहे.

अनुत्तीर्ण विद्यार्थ्यांची फेरपरीक्षा 18 जुलैपासून होणार असल्याची माहिती बोर्डाच्या अध्यक्षांनी दिली.

विभागनिहाय निकाल

कोकण -96.18 टक्के

कोल्हापूर – 93.59 टक्के

पुणे – 91.95 टक्के

मुंबई – 90.09 टक्के

औरंगाबाद – 88.15 टक्के

नाशिक – 87.76 टक्के

लातूर – 85.22 टक्के

अमरावती – 84.35 टक्के

नागपूर – 83.67 टक्के

 

Previous Article

‘आरे’मध्ये सापडला दुर्मिळ कोळी

Next Article

मुंबई २४ बाय सेवन ट्राफिक हेल्पलाईन 8454999999

You may also like