आपल्या मुलांना या सवयी लावल्याच पाहिजेत

Author: Share:

पहाटे लवकर उठा

सुर्योदया आधी उठणे हे नेहमी चांगले असते, तेव्हा वातावरणात प्रेमळ (सात्वीक) गुण असतात, ज्यामुळे मनाला शांती मिळते व ज्ञानेंद्रिये ताजेतवाने होतात. सुर्योदय ॠतूप्रमाणे बदलत राहतो, पण सरासरी लोक पहाटे ४.३० आणि ६.०० च्या मध्ये उठतात. उठल्यानंतर लगेच आपल्या तळहाताकडे काही क्षण पहा, आणि हळूवारपणे आपला हात चेहर्‍यावर फिरवा आणि नंतर छातीपासून कमरेपर्यंत फिरवा. यामुळे पचनक्रिया शुद्ध होते, अवशोषण आणि एकरुपता आणि स्वतःबद्दलचा आदर वाढतो, शिस्त, शांती, आनंद आणि दीर्घायुष्य प्राप्त होते.

ही प्रक्रिया सुरु असताना खालील प्रार्थना म्हणा.

कराग्रे वसते लक्ष्मी: करमध्ये सरस्वती.

करमूले तु गोविंदः प्रभाते करदर्शनम.

समुद्रवसने देवी पर्वतस्तनमंडिले.

विष्णूपत्नी नमस्तुभ्यं पादस्पर्शं क्षमस्व मे.

भूमीला स्पर्श करा आणि पूर्व दिशेकडे, उत्तर-पूर्व-उत्तर, पश्चिम आणि शेवटी पुन्हा पूर्वेकडे तोंड करुन विस्तृतपणे “नमस्कार मुद्रा” करा.

चेहरा, तोंड आणि डोळे स्वच्छ करा

आपल्या चेहर्‍यावर शितल पाणी शिंपडा आणि आपले तोंड स्वच्छ धुवा. थंड पाण्याने स्वच्छ करा (किंवा खाली दिल्याप्रमाणे एकेक डोळा स्वच्छ करा) आणि हळूवारपणे पापण्यांना घासून मालिश करा. ७ वेळा डोळ्यांची उघडझाप करा आणि सर्व दिशेने आपले डोळे फिरवा. टॉवेलने आपला चेहरा पुसा.

आपली जीभ घासा

हळूवारपणे पाठीमागून पुढे अशा पद्धतीने आपली जीभ घासा. जीभेचा संपूर्ण भाग साफ होईपर्यंत ७ – १४ वेळा ही क्रिया करा. यामुळे आतील अवयव सुलभ होतात, पचनक्रियेस मदत होते आणि मृत जीवाणू निघून जातात. स्टेनलेस स्टील सर्व लोक वापरु शकतात.

आपले दात स्वच्छ करा

नेहमी मुलायम टूथब्रश वापरा आणि तुरट, उग्र आणि कडू टूथपेस्ट किंवा पावडर वापरा.

चूळ भरणे

दात, हिरड्या आणि जबडा मजबूत करण्यासाठी, आवाज सुधरवण्यासाठी, गालावरच्या सुरकूत्या घालवण्यासाठी कोमट तीळाच्या तेलाने

दिवसातूल दोनदा चूळ भरा. तेल तोंडात धरुन ठेवा, आत भोवताली फिरवा आणि थुंकून टाका. बोटाने हिरड्या मालिश करा.

चर्वण करणे

पर्यायाने, सकाळी ३-५ सुकलेले खजूर चावा आणि वाळलेल्या नारळाचे एक इंच खोबर्‍याचा तुकडा चावा, यामुळे यकृत आणि पोट सुलभ होते आणि पाचनशक्ती सुधारते. चर्वण केल्यानंतर टूथपेस्ट किंवा पावडर न वापरता पुन्हा दात घासा.

सकाळी पाणी सेवन करा

त्यानंतर कोठी तापमानाचे, रात्रीच तांब्याच्या पेल्यात भरुन ठेवलेले पाणी सेवन करा. यामुळे मुत्रपिंड स्वच्छ होते आणि आंत्रचलन सुलभ होते. चहा आणि कॉफीने आपल्या दिवासाची सुरुवात करणे ही चांगली संकल्पना नाही. यामुळे मुत्रपिंडाची शक्ती कमी होते, मुत्रपिंडावरील ग्रंथींमध्ये ताण वाढतो, बद्धकोष्ठता निर्माण होते आणि मग याची सवय लागते.

निष्क्रमण

शौचाला सामन्य पद्धतीने बसा किंवा पाय दुमडून बसा आणि मलोत्सर्जन करा. गेल्या रात्रीच्या जेवणामुळे झालेल्या अपचनामुळे किंवा चांगली झोप न मिळाल्यामुळे असे होते.

तथापि, प्रत्येक दिवशी निर्धारित वेळेत पाणी घेऊन शौचास बसल्यामुळे मलोत्सर्जन होण्यासाठी नियमन होते. त्याच पद्धतीने नाकपूडीतील श्वासोच्छवासालाही मदत होते. निष्क्रमणानंतर गुदद्वाराचा भाग कोमट पाण्याने साफ करावा आणि हात साबणाने धुवावे.

अनुनासिक थेंब (नास्य)

सकाळी कोमट तूपाचे किंवा तेलाचे ३ ते ५ थेंब प्रत्येक नाकपूडीत टाकल्यावर नाकाला वंगण घालण्यास मदत होते, सायनस साफ करते, आवाज, दृष्टी आणि मानसिक स्पष्टता सुधारते. आपले नाक, हे मेंदूसाठी एक दरवाजाच आहे, म्हणून अनुनासिक थेंबामुळे प्राण सकस होतो आणि बुद्धिमत्ता प्राप्त होते.

कानात तेल घालणे (कर्ण पुरण)

प्रत्येक कानात तेलाचे ५ थेंब घातल्यामुळे कान निरोगी व कार्यक्षम राहण्यास मदत होते.

डोके आणि शरीराला तेल लावणे (अभ्यंग)

कोमट तेल अंगाला आणि डोक्याला चोळा. सामान्यपणे, टाळूला नियमित मालिश केल्यामुळे आनंदी वाटते, तसेच डोकेदुखी, टक्कल पडणे, करडे होणे, केशरेखांमध्ये घसरण होणे यापासून प्रतिबंधित करते. झोपण्या पूर्वी शरीराला तेल लावल्याने चांगती झोप लागते व त्वचा मुलायम राहते.

आंघोळ करणे

आंघोळीमुळे शरीर साफ राहते आणि ताजेपणा जाणवतो. यामुळे घाम, घाण आणि थकवा निघून जातो, शरीराला ऊर्जा प्राप्त होते. मनाला स्पष्टता मिळते आणि तुमच्या जीवनाला पावित्र्यता लाभते. आंघोळ करतना खालील प्रार्थना म्हणा

गंगे च यमुने चैव गोदावरी सरस्वति.

नर्मदे सिंधु कावेरी जलेस्मिन सन्निंधिं कुरु.

त्यानंतर तुळशीला पाणी घाला किंवा तुमच्या बागेत असलेल्या कुठल्याही रोपाला पाणी घाला. रोप, झाडे यांशिवाय जीवन जगता येत नाही.

वस्त्र परिधान करणे

स्वच्छ कपडे परिधान केल्यामुळे सौंदर्य आणि सदाचार लाभते.

अत्तर वापरा

नैसर्गीक सुगंध, आत्यावश्यक तेल किंवा अत्तर वापरल्यामुळे ताजेपणा, आकर्षकता आणि आनंद प्राप्त होतो. यामुळे शरीराला चेतना मिळते व स्वतःविषयी आदर वाढतो.

व्यायाम

नियमित व्यायामामुळे, विशेषतः योग, रक्ताभिसरण, शक्ती आणि सहनशक्ती वाढते. यामुळे आराम आणि शांत झोप घेण्यास मदत होते, आणि पचनक्रिया आणि निष्कासन सुधारते. व्यायाम तुमच्या क्षमतेपेक्षा अर्ध्या पटीने असावा, ज्यामुळे तुम्हाला कपाळावर, काखेत आणि मणक्याच्या वर घाम येईल.

प्राणायम

व्यायाम झाल्यानंतर शांत बसा आणि खोल श्वासोच्छवासाचे व्यायाम करा.

उपासना

आपली क्षमता, वेळेची उपलब्धता आणि उपलब्ध सामग्री नुसार नियमित उपासना करावी. उपासनेमुळे मानसिक क्षमता वाढते, तुम्हाला आशावादी आणि उत्साहपूर्ण बनवते. उपासनेमुळे तुम्हाला तुमच्या सभोवतालच्या माणसांविषयी विनयशीलता, करुणा आणि सहिष्णूता प्राप्त होते. संस्कृत श्लोक पाठ केल्यामुळे स्मृती, मेंदूची क्षमता आणि बोलण्याची क्षमता प्राप्त होते.

उपासनेचा सर्वात मुलभुत, सोपा आणि ओझरता प्रकार म्हणजे नमस्कार. तसेच नमस्कार मुद्रा आणि अंजली मुद्रा म्हणूनही ओळखले जाते. हे योग्य प्रकारे केल्यास चांगले लाभ प्राप्त होतात.

टीम स्मार्ट महाराष्ट्र

Previous Article

पाच दिवसांपासून ठप्प असलेली आसनगाव रेल्वे वाहतूक अखेर सुरु

Next Article

२ सप्टेंबर

You may also like