प्राध्यापक लक्ष्मण देशपांडे

Author: Share:

जन्म ५ डिसेंबर १९४३

स्मृतिदिन: २२ फेब्रुवारी २००९

प्राध्यापक डॉ. लक्ष्मण देशपांडे एकपात्री कलाकारांच्या यादीतील एक सोनेरी पान होते. त्यांचं वर्हाड निघालय लंडनला ह्या एकपात्री प्रयोगाने त्यांनी विश्व जिंकून घेतले होते. एक बहुरंगी मराठी लेखक, नाट्यदिग्दर्शक व अभिनेतेअसलेले डॉ. लक्ष्मण देशपांडे देशपांडे डॉ. बाबासाहेब आंबेडकर मराठवाडा विद्यापीठातील नाट्यशास्त्र विभागाचे प्रमुख होते.

त्यांनी लिहिलेल्या आणि दिग्दर्शित केलेल्या ‘वऱ्हाड निघालंय लंडनला’ ह्या एकपात्री नाटकासाठी गिनीज बुक ऑफ वर्ल्ड रेकॉर्ड्स मध्येही त्यांना बहुमान मिळाला. ह्या नाटकाचा पहिला प्रयोग त्यांनी १९७९ मध्ये केला होता. तेव्हापासून या नाटकाचे १,९६० पेक्षा अधिक प्रयोग सादर करण्याचा विश्वविक्रम त्यांच्या नावावर आहे. ह्या तीन तासांच्या एकपात्री प्रयोगात ते ५२ रूपे सादर करायचे. एकाच व्यक्तीने ५२ व्यक्तिरेखा साकारण्याचा विक्रम केल्याबद्दल डॉ. देशपांडे यांची २००४ मध्ये गिनीज बुकात नोंद झाली.

लहानपणी गणपती उत्सवात होणाऱ्या करमणुकीच्या कार्यक्रमांत भाग घेत. तेथेच त्यांच्यातील कलावंताची जडणघडण झाली. घरची परिस्थिती प्रतिकूल असूनही त्यांनी एम.ए. व त्यानंतर एमडी (मास्टर इन ड्रॅमॅटिक्‍स)चे शिक्षण घेतले. मौलाना आझाद, सरस्वती भुवन महाविद्यालयात प्राध्यापक म्हणून काम केल्यावर १९८० साली ते औरंगाबाद विद्यापीठात शाखाप्रमुख म्हणून कार्यरत झाले. याच दरम्यान त्यांनी ‘वऱ्हाड निघालंंय लंडनला’ची निर्मिती केली. या नाटकाने अनेक विक्रम प्रस्थापित केले. अमेरिका, इंग्लंड, कॅनडा, मस्कत, ऑस्ट्रेलिया, कतार, कुवेत, सिंगापूर, थायलंड, नायजेरिया येथेही वऱ्हाडचे प्रयोग झाले. याशिवाय रेशमगाठी, पैंजण या मराठी चित्रपटांत आणि  द्विपात्री ‘नटसम्राट’ या नाटकातही काम केले. २०००मध्ये त्यांनी औरंगाबाद विद्यापीठातून स्वेच्छानिवृत्ती घेतली. याच वर्षी त्यांची परभणी येथे झालेल्या अखिल भारतीय नाट्यसंमेलनाच्या अध्यक्षपदी निवड झाली.

वऱ्हाड निघालंय लंडनला या नाटकाचे पुस्तक प्रकाशित केले. त्याच्या दोन आवृत्त्या निघाल्या. प्रतिकार हे त्यांनी लिहिलेल्या एकांकिकांचे पुस्तकही रसिकांना भावले. ‘मौलाना आझाद-पुर्नमूल्यांकन’ या पुस्तकाचे, तसेच महाराष्ट्र शासनातर्फे प्रकाशित करण्यात आलेल्या अक्षरनाद या पुस्तकाचे संपादन त्यांनी केले होते.

 प्राध्यापकांना २००३  सालचा महाराष्ट्र शासनाचा कलावंत पुरस्कार, २००४ मध्ये विष्णुदास भावे पुरस्कार मिळाले. याशिवाय छत्रपती शाहू महाराज, बेंडे स्मृती, राम श्रीधर, अल्फा टीव्ही, पुरुषोत्तम करंडक, वसंतराव नाईक कृषी संशोधन प्रतिष्ठान, सयाजीराव महाराज यांच्या नावाचे पुरस्कार अखिल भारतीय नाट्यपरिषदेतर्फे साहित्यसम्राट आचार्य अत्रे पुरस्कार या पुरस्कारांनी ते सन्मानित झाले आहेत.

संदर्भ ; मराठी विकिपीडिया

Previous Article

६ डिसेंबर 

Next Article

५ डिसेंबर 

You may also like