अनेक घटनांचा पट

Author: Share:

अनेक घटनांचा पट
जेव्हा डोळ्यासमोर उलगडतो
माझ्या मैत्रिणींचा मला
खूप अभिमान वाटतो

डबल इंजिन हवं म्हणून
कुणी नोकऱ्या केल्या
मुळीच गरज नाही म्हटल्यावर
घर-गृहस्थीत रमल्या

खूप खूप शिकून कुणी
बाहेर कर्तृत्व गाजवलं
पण त्याचवेळी घराचं
घरपण मात्र टिकवलं

थोरांना सांभाळून घेताना
पोरांना उत्तम घडवलं
त्यांना परदेशी पाठवताना
डोळ्यातलं पाणी लपवलं

पतीला साथ देताना कुणी
दूरदेशी रमल्या
इथल्या रेशीमगाठी मात्र
हृदयाशी घट्ट जपल्या

पूजा-अर्चा तशाच पार्ट्या
प्रत्येक आव्हान पेललं
आल्या – गेल्याचं स्वागत अगदी
हसत मुखानं केलं

जुनं सारं जपताना
नव्याशी जमवून घेतलं
ईमेल, व्हॉट्सअप,स्काईपला
अगदी आपलंसं केलं

कविता: संदिप जोशी

Previous Article

मिरा-भाईंदर निवडणूक: मतदार यादीत घोळ; पुन्हा मतदारांची निराशा

Next Article

रूप ‘तीचे’ पाहता

You may also like